(Coritiba) 14 Nof 2023 – In ka badan 100-taageere ayaa dagaal dhex maray kaddib goolkii ay guushu ku raacday kooxda Coritiba daqiiqaddii ugu dambaysay ee ay kaga badisay kooxda Cruzeiro horyaalka Barazil.
Robson ayaa dhaliyey goolka waqtigii dhimashada iyadoo Coritiba ay ku badisay 1-0. Labada kooxood ayaa ku jira aagga loogu laabanayo heerka labaad ee horyaalka Brazil, iyadoo Coritiba ay ku jirto kaalinta 19aad halka Cruzeiro oo laba boos uun ka sarreeyso.
Kaddib goolkii Robson, jamaahiirta Cruzeiro ayaa soo galay garoonka waxayna aadeen dhanka taageerayaasha gurigooda la joogey.
Taageerayaasha Coritiba ayaa iyana sidoo kale xoog kusoo galay garoonka, iyadoo uu dagaal qaraari halkaa ka dhacay.
Shaqaalaha ammaankuna waxay awoodi waayeen inay kahortagaan isku dhacyada labada qaybood ee taageerayaasha ah, ilaa markii dambe loo yeero ciidamada rabshadaha xakameeya.
Coritiba vs Cruzeiro
The fans are now fighting each other
pic.twitter.com/UmU59eQcFB— 🎬🇧🇷 (@R9Futebol) November 11, 2023
Hadalsame Media