(Hadalsame) 21 Maarso 2023 – Waaxda Bulshooyinka iyo Dowladaha Hoose ee Ingiriiska ayaa laga soo xigtey tirakoob lagu falanqeeynayo magaalooyinka ugu waawayn ee England.
Sannadkii 2021-kii, waxaa la diiwaangeliyey tiro dhan 59,597,500 oo qof oo ku noolaa England iyo Wales badidoodna waxay ku noolaayeen magaalooyinka waawayn.
Haddaba, aynu eegno 10-ka magaalo ee ugu waawayn dalka Ingiriiska marka la eego tirada dadka ku dhaqan, waxaana ku jira magaalooyin aad si wayn u maqasho, balse aad uga yar magaalooyin kale oo haatan kula yar.
1. London – 10,076,300
London oo leh 10,076,300 oo dad ah, waa xarunta Westminster iyo Buckingham Palace, oo ay kala deggan yihiin Dowladda iyo Boqortooyada UK, waana caasimadda England iyo United Kingdom
2. Birmingham – 2,574,300
Waa caasimadda 2-aad waana magaalada ugu wayn gobollada dhexe ee West Midlands.
3. Manchester – 2,538,600
Manchester waa magaalada ugu wayn Woqooyi Galbeed England.
4. Newcastle – 853,100
Newcastle waa magaalo caan ku ah kacaankii wershadaha, sida inta badanba magaalooyinka kale ee woqooyiga Ingiriiska.
5. Sheffield – 822,300
Sheffield waa magaaladii ugu horreeysey ee laga sameeyo National City of Sport dalka UK oo dhan.
6. Leeds – 812,000
Leeds inta badan dadku magaalo yar ayay moodayaan waase magaalada 6-aad ee ugu wayn Ingiriiska.
7. Bristol – 762,800
Bristol waa magaaladii ugu horreeysey ee British ah ee noqota magaalo degaanka ku dadaasha ama European Green Capital.
8. Nottingham – 664,800
Nottingham waxay caan ku tahay xiriirka ay la leedahay ninka caanka ah ee Robin Hood
9. Liverpool – 640,600
Liverpool waxay caan ku tahay muusigga, gaar ahaan kooxdii Beatles
10. Bradford – 546,400
Bradford waa magaalada 10-aad ee ugu ballaaran England. Waana magaaladii ugu horreeysey ee UNESCO City of Film
W; D: Maxamed Xaaji
Hadalsame Media