(Dooxa) 06 Maarso 2023 – Waraysi Madaxweyne Xasan Sheekh uu caawa siiyay Telafeeshinka Aljazeera qeybta Carabiga isagoo ku sugan dalka Qadar, ayuu uga hadlay arrimo muhiim ah oo ka mid ah dagaalka Al-Shabaab, siyaasadda iyo Arrimaha Dibadda.
Qodobo si gaar Al Jazeera uga soo qaadatay ayaa waxaa ka mid ah afartan qodob:
1 – Waxaa jira dhaliilo iyo gaabis maamulidda dhaqaalaha guud ee Soomaaliya marxaladda kumeel gaarka ah ee lagujiro awgeed.
2 – Dalalka aanu walaalaha nahay ee Carabta iyo Midowga Afrika taageero ayay u fidiyaan dalkeena, waxaan leenahay hab maamul oo isku xiraya dardar galinta taageeradaas.
3 – Ma dooneyno in dagaal dibadda laga soo raray la keeno dalkeena, mana ogolaanayno in Soomaaliya loo adeegso in lagula dagaalamo dalal kale.
4 – Xukuumadda Soomaaliya waa xukuumad midnimo, waxayna ka shaqaynaysaa midnimada dalka, waana mabda’ aan abid laga tanaasulaynin.
W; D: Cabdicasiis Golf
Hadalsame Media