(Muqdisho) 27 Jan 2023 – La socoshada hawadu waa arrin muhiim u ah safarka ganacsiga ee hawada iwm oo ay marayaan diyaarado ku duulaya in ka badan 500 mayl saacaddii. Duullimaadyadan ayaa u baahan in si dhow loo maareeyo si diyaarad walba ay u baxdo oo ay si nabad ah ugu timaado meesha ay ku socoto.
Way adag tahay in la qiyaaso meel aduunka ka mid ah oo aan laayn awood ay si sax ah ugula socoto hawadeeda. Hase yeeshee, Soomaaliya ma aysan lahayn awooddaas 30-kii sano ee la soo dhaafay ilaa Khamiistii shalay.
Ururka Caalamiga ah ee Gaadiidka Cirka, oo ah ururka ganacsiga duullimaadyada caalamiga ah, ayaa xaqiijiyey in hawada Soomaaliya haatan dib loogu soo celiyey heerka A.
Heerka A marka aad haysato hawada aad la soconayso waxa ay bilaabmaysaa joog dhan ilaa 18,000 cagood iyadoo gaaraysa ilaa 60,000 cagood, tan dambe waxaa loogu talagalay diyaaradaha rakaabka waawayn iyo kuwa xamuulka ah.
Hawada Soomaaliya waxay maqaamkan lumisay sannadkii 1991-kii, taasoo ay ugu wacnayd bilowgii dagaalkii sokeeye ee Soomaaliya.
Sidaa darteed, hawada Soomaaliya waxay ahayd heerka darajada G ka bilow 1992-kii, iyada oo loo arkayey inay tahay mid aan si hufan loo maamulin. Aaggana waxaa laga maamulay waddan kale, xarun ku taal Nairobi, Kenya.
Dowladda Soomaaliya ayaa maamulka hawada lasoo wareegtey oo Muqdisho keentay 2018-kii, waxaana dib u habayn ballaaran lagu sameeyay hagidda iyo kaabayaasha isgaarsiinta sanadkii tegey ee 2022-kii, sida ay sheegeen Simple Flying, oo suurtageliyey in heerkan la gaaro.
Wadiiqooyinka ugu mashquulka badan ee isku xira Yurubta Galbeed, Afrika, Bariga Dhexe iyo Badwaynta Hindiya oo loo yaqaan Gobolka Macluumaadka Duullimaadka Muqdisho ama Mogadishu Flight Information Region (FIR) oo ka dhigan hawada Somalia, ayay arrintani khuseeysaa iyadoo daboolaysa berriga Somalia ilaa qayb wayn oo Badwaynta Hindiya ah.
Soomaaliya waxay ku taallaa meel muhim u ah caalamka, waxayna fadhidaa inta u dhaxaysa Yurub, Galbeedka Afrika, Hindiya iyo Koonfur Bari Aasiya. Waana sababta Imaaraadka siisay diyaaradaha Emirates iyo Etihad.
Haddaba, dalka Somalia ee ku yaalla Geeska Afrika waxa uu samayn karaa tillaabooyin uu kor ugu qaado maqaamkiisa dhaqaalaha adduunka iyo muhiimaddiisa istaraatijiga ah.
