(Hadalsame) 22 Okt 2022 – Wargayska Aftonbladet ayaa ka shakisan in Ruushku uu kamarooyinka xawaaraha ee jidadka Sweden lagu xiro xadayo deetana uu ku xiranayo diyaaradaha aan duuliyaha lahayn ee Drones-ka ah ee uu geeyey dalka Ukraine.
Kaamirooyinka xawaaraha ee Sweden ayaa si wayn loo waayayaa bilihii dambe. In ka badan 160 kaamaro ayaa laga xaday waddooyinka cidlada ah, sida uu qoray wargayska New York Times, iyadoo inta badan la dhaco saqda dhexe ilaa 3-da subaxnimo.
Maamullada ayaa ku wareersan arrintan. Ka dib oo dhan, maadaama uusan jirin qof dadaal intaa le’eg ku bixin lahaa xatooyada sheey aan lahayn suuq dib loogu iibin karo.
Sida soo baxday, hal suurtogal ah ayaa ah in kaamaradahan la xaday laga yaabo inay nolol labaad ka helaan gudaha diyaaradaha aan duuliyaha lahayn ee Ruushka ee loo isticmaalo Ukraine, kuwaasoo u adeegsada sahanka.
Swedish paper Aftonbladet suspects that Russia may be installing stolen speed cameras from Sweden on home made drones deployed in Ukraine
• 100 Canon DSLR cameras have been stolen in recent months in the country
• Swedish security doesn’t confirm but says investigates pic.twitter.com/Fq7ModYTE2— Ragıp Soylu (@ragipsoylu) October 21, 2022
Wararka ka imaanaya gudaha dalka Sweden ayaa sheegaya in Hay’adda Nabadsugidda Sweden ee SÄPO ay ka warqabto xogta isku xiraysa xatooyada kaamirooyinkan qabta xawaaraha gawaarida iyo colaadda ka dhex aloosan Ruushka iyo Ukraine, inkastoo Dowladda Sweden ay ka taxadaraysey inay wax war ah kasoo saarto arrintan.
27-kii Agoosto, 11 kaamaro ayaa habeenkii lagu waayey hal waddo oo ka tirsan Sweden. Saddex maalmood kaddib Agoosto. 30, 30 kale ayaa la fujistay. Dhammaadkii bishaasi, wadar ahaan ku dhowaad 70 kaamaro ayaa la xaday bishii Agoosto oo qura.
Hadalsame Media
