“Dhammaan dalalkani waxay muujiyeen xiisahooda ku biirista [BRICS] waxayna isku diyaarinayaan inay codsadaan xubinnimada. Waxaan aaminsan ahay inay tani tahay tillaabo wanaagsan, sababtoo ah balaarintu waxay had iyo jeer sii xoojin doontaa saamaynta BRICS ee adduunka,” ayay u sheegtay wargayska Ruushka ee Izvestia.
Wadamada BRICS (Brazil, Russia, India, China, iyo South Africa) waxay ka yihiin in ka badan 40% dadwaynaha caalamka iyo ku dhowaad rubuc GDP-ga adduunka, waxayna xambaarsan yihiin aragti la xuslinaysa midda Galbeedka ee doonaysa saamaynta gaarka ah.
Ujeedooyinka ururka ayaa waxaa ka mid ah horumarinta nabadda, amniga, horumarka guud, iskaashiga caalamiga ah, iyo ka qayb qaadashada horumarinta aadanaha.
Warka saddexda waddan ee qorshaha ku biirista BRICS ayaa imanaya kaddib markii Iran iyo Argentina ay si rasmi ah u codsadeen xubinimada dabayaaqadii bishii Juun, iyadoo Afhayeenka Wasaaradda Arrimaha Dibedda Iran, Saeed Khatibzadeh, uu ku tilmaamay ururkan “hab-howleed u hal abuur leh oo hadafyo ballaaran leh.”
Hadalsame Media
