(Hargaysa) 02 Abriil 2022 – Xukuumadda UK ayaa ka hadashay gubashadii xalay ka bilaabatay Suuqa Waaheen ee magaalada Hargaysa ee burburisey inta badan suuqaasi.
RW UK ee Boris Johnson ayaa qoraal kooban oo uu ku faafiyey barta Twitter ee rasmiga ah ku yiri:
”Waxaan aad uga xumahay in aan arko dhibaatada ka dhalatay dabka Hargaysa ka kacay ee burburka intaa le’eg u gaystey suuqa furan oo ah halbowlaha dhaqaale u ah magaalada, kaasoo saameeyay ganacsiyo badan oo yar yar iyo shirkado qoysas,” ayuu ku bilaabay.
”Magaaladiinnu way kici doontaa, Ingiriiskuna wuxuu ku dedaali doonaa sidii aanu u taageeri lahayn dedaalka dib-u-dhiska Somaliland.” ayuu raaciyey.
Johnson waa madaxii ugu horreeyey ee reer Galbeed ah ee ka hadla dabka Hargaysa oo saacado aad u badan ka soconayey magaalada.
Hadalsame Media
