(Hadalsame) 24 Okt 2021 – Ninka Soomaaliyeed ee ku eedaysan dilkii Xildhibaankii Xisbiga Muxaafidka ee Sir David Amess ayaa lasoo taagey Maxkamadda Old Bailey.
Ali Harbi Ali, 25-jir, ayaa kasoo muuqday Maxkamadda Dhexe ee Dembiyada markii ugu horreeysey isaga oo qaab fogaan arag ah khadka uga soo galay xabsiga aadka loo ilaaliyo ee Belmarsh Prison oo la geeyo dadka uu dembigoodu aadka u culus yahay, waxaana lagu xirey min Abu Hamza ilaa Ian Huntle.
Cali lama waydiinin inuu galo waxa loo yaqaan plea oo ah inaad dembiga qirato kaddibna xukunka lagaa khafiifito maadaama aanu taa dalbanin qarreenka eedaysanaha Kevin Toomey, balse waxaa si rasmi ah loogu oogey khaarajintii Sir David, 69-jir, hal Jimce kahor iyo inuu falal argagixiso maleegey 1-dii Maajo 2019 iyo Sebtembar 2021.
Eedaysanaha oo xirnaa furaanad caddays ahayd ayaa lagu amrar inuu wejiga ka faydo maasgaraha u xirnaa isla markaana uu sheego magaciisa iyo maalintii uu dhashay, intii dhegeysiga lagu jirey.
Mr Justice Sweeney ayaa sheegay inuu dhegeysi hordhac ihi dhici doono 5ta Nofeembar, halka dhegeysiga xiga loo muddeeyey Maarso 2022-ka.
Hadalsame Media
