Min caafimaad darrada gabdhaha Instagram ilaa xogo uu dusiyey dab-afuuf Facebook ka tirsanaa ilaa khasaaraha uu saacado gudohood Zuckerbery uga hoos maray bilyaneer kale oo caan ah (Maxaan ogaanney?)

0
A man holds a smart phone with the icons for the social networking apps Facebook, Instagram and Twitter seen on the screen in Moscow on March 23, 2018. - A public apology by Facebook chief Mark Zuckerberg, on March 22, 2018 failed to quell outrage over the hijacking of personal data from millions of people, as critics demanded the social media giant go much further to protect privacy. (Photo by Kirill KUDRYAVTSEV / AFP) (Photo credit should read KIRILL KUDRYAVTSEV/AFP via Getty Images)

(Menlo Park, CA) 05 Okt 2021 – Hantida gaarka ah ee Mark Zuckerberg ayaa waxaa saacado yar ka go’day $6 bilyan oo doollar, taasoo wax u dhintay halka uu uga jiro taxa ragga dunida ugu taajirsan.

Shirkadda Facebook Inc iyo kuwa kale oo uu isagu leeyahay sida Whatsup, Instagram iyo Oculus ayaa 6 saacadood hawada ka maqnaa iyagoo Offline ah.

Taasi waxay dhalisay in saamiga camaaliqada baraha bulshadu uu dhaco ilaa 4.9%, taasoo u raacaysa 15% uu hooseeyey tan iyo bartamihii Sebtembar.

Hoos u dhacan ayaa lacagta uu Zuckerberg haysto hoos ugu riddey $121.6 bilyan, taasoo ka hoos marisay Bill Gates sida ka muuqata taxa Bloomberg Billionaires Index.

 

DHIB TAAGAN – Sebt. 13, warqaadka Wall Street Journal ayaa bilaabay qoridda sheekooyin taxane ah oo ku saabsan in dokumentiyo caddaynaya inuu Facebook ogaa dhibaatooyin lagala kulmayey adeegyadiisa.

Waxay sidoo kale qoreen dhibaatada uu Instagram u gaysto caafimaadka maskaxeed ee gabdhaha sin-dheerta ah (teenage girls) ilaa xogihii beenta ahaa ee uu ka faafiyey rabshadihii 6dii Jannaayo ka dhacay Capitol Hill iyo qaybin bulsho.

Tan gabdhaha sin-dheerta ah, waa sheeko ku saabsan gabar haatan 20-jir ah oo adeegsatey magaca Emily oo ka sheekaysay dhibaato dhanka dhimirka ah oo ay kala kulantay Instagram.

“Waxaan dareemay in aan jirkaygu u qurux badnayn sida dadka kale tiiyoo aan in badan jimici aadayey.” ayay tiri Emily, oo ah ardayad haatan soo kabanaysa, sida lagu faafiyey Wall Street J oo sheekada qarxiyey.

Arrintan ayaa cashar u noqon karta dhallinyaro gabdho u badan oo baraha bulshada u adeegsada qaab aan caqli iyo xishood badani ka muuqan taasoo hadhow diiqad iyo masayr keeni karta.

Facebook ayaa diidey inuu arrintan bulshada usoo bandhigo balse waxaa arrintan oo soo jiidatey dareenka DF Maraykanka qarxiyey nin dab-afuuf ah.

Dab-afuufkan oo ah 37-jir magaciisa lagu sheegay Frances Haugen oo maareeye ka ahaa Facebook oo maanta hortegaya Koongarayska Maraykanka ayaa kashifay in Facebook si ku tala gal ah u faafiyo xogo isku diraya dadwaynaha iyo kuwa nacayb iyo qaybin ku dhisan.

Waxaa Isku Duwey: Maxamed Xaaji

Hadalsame Media

Facebook Comments