(Addis Ababa) 11 Maarso 2021 – Diblomaasi Soomaali ah oo la yiraahdo Nuur Maxamed Sheekh ayaa loo magacaabay afhayeenka urur goboleedka IGAD.
Sheekh ayaa Afhayeen rasmi ah u noqonaya Xoghayaha Guud ee IGAD, Workneh Gebeyehu oo maamula ururkan oo ay ku midaysan yihiin 8 dal.
Dr Workneh ayaa sheegay in go’aanka diblomaasigan lagu magacaabay ay ka dambayso awoodda uu u leeyahay isku xirka IGAD iyo ururrada kale iyo sida uu u xoojiyey iskaashiga dowladaha xubnaha ka ah ururka.
Sheek oo 51-jir ah ayaa digrii sare ka haysta Xallinta Khilaafka iyo Horumarinta oo uu ka qaatay University of London. Wuxuu diblomaasiyadda ku jirey muddo 30 sanadood ah, isagoo ahaa gayfane u dooda qaxootiga iyo xuquuqda aadmiga.
Hadalsame Media
