(Dimishq) 30 Juun 2020 – Askari ka tirsan Ciidamada Suuriya ayaa la waayey meel uu jaan iyo cirib dhigay kaddib markii uu shaaciyey caashaq caynka gooyey oo uu u qaaday gabar uu dhalay kali taliyaha Suuriya ee Bashar Al-Assad.
Ninkan oo la yiraahdo, Yazan Soltani, ayaa sheegay inuu jecel yahay Zein Assad, isla markaana uu jeclaan lahaa inuu guursado, isagoo iska indha tiray digniino ay siiyeen ehelkiisa iyo dadka u dhow iyo xitaa dadwaynaha caadiga ah oo u sheegay dhibka uu wajihi karo haddii uu la bareero rabitaanka gabadhan oo 16-jir ah.
Mid ka mid ah muuqaallada ayaa la arkayaa Soltani oo leh: “Waa ku jeclahay. Waan kugu waalnahay. Anigaa ku leh adigaa i leh. Fadlan tayda noqo.”
Wuxuu markale soo muuqanayaa isaga oo xiran tuutaha millateriga, wuxuuna ku dhaaranayaa inuu wax kasta u samayn doono sidii uu ku heli lahaa gabadha Asad.
Soltani ayaa se la waayey todobaadkii hore, iyadoo ay walaashii sheegtay in ay xireen ciidamada nidaamka Asad.
First Lady Asma al-Assad & Daughter Zein al-Assad visiting Injured soldiers of the #SAA/#NDF in #Homs Region pic.twitter.com/XxzSnMJT7U
— Military Advisor (@miladvisor) July 7, 2016
Hadalsame Media
