(Roma) 25 Maajo 2020 – Talyaaniga ayaa ku guulaystey tartan-danabeedka eEuro2020, kaddib markii uu dhamaadka dhegaha uga jafay dalka Serbia, noocii ugu horreeyey tartankan European eFoot.
Tartankan oo la wada ciyaaray todobaad-dhamaadkan ayay ka qayb gelayeen 16 qaran, kuwaasoo dheelayey ciyaar-gacmeedka ay diyaariso Konami ee eFootball Pro Evolution Soccer 2020 ee PlayStation 4.
Italy ayaa ku guulaysatey Group B kaddib markii ay 5-1 dirtay Denmark kaddibna ay 6-5 ku garaacday Serbia.
La Nazionale ayaa deeto Israel 2-0 kusoo dhaafay rubuc-dhamaadka, kaddibna inta aanay isla natiijadaa oo kale nus-dhamaadka ku reebin Faransiiska.
Talyaaniga ayaa deeto dhamaadkii 3-1 ku quusiyey xulka Serbia, si uu u hanto ciyaar-gacmeed caalami ah midkii abid ugu waynaa.
Ciyaaraha noocan ah ayaa soo batay tan iyo markii uu dunida dhulka dhigay caabuq sidaha Covid-19, iyadoo dib loo dhigay Koobka Qaramada Yurub ee Euro 2020 oo xagaagan qabsoomi lahaa.
?? What a goal! Italy have done it!
A double-touch and finish from Insigne and @eNazionaleFIGC are champions of #eEURO2020! ? pic.twitter.com/0qiUBwn0wE
— UEFA EURO 2020 (@EURO2020) May 24, 2020
Hadalsame Media