(Sacramento, CA) 09 Jan 2020 – Waxaa aloosan xiisadda ka taagan Bariga Dhexe oo ah gobol muddaba dhib u joog ahaa, gaar ahaanna haatan waxaa cakiran xaaladda Iiraan iyo Maraykanka.
Haddaba, qarreenka caanka ah ee Micheal Avenatti oo u dhashay dalka Maraykanka, isla markaana difaacey dad badan oo caan ah ayaa bartiisa kusoo qoray war ay Soomaali badani ka xanaaqeen, balse run ah.
Wuxuu Twitter-ka kusoo qoray sidatan: ”Iiraan ma aha Ciraaq, ama Kuwayt, ama Suuriya ama Somalia. Waa dal ay leeyihiin dad qab iyo hidde fog oo hodona leh.”
”Si fudud uma bajin karo Trump mana yalmi doonaan. Nasiib xumo, nacaska Aqalka Cad ma fahmin mana qiimaynin taas todobaadkii tegey.”
Dadka aaminsan inuu warkani run yahay ayaa daliishanaya inay Soomaalidu ogolaatay inay dunidu ku maadsato kaddib markii ay dalkooda iyo dantoodaba dumiyeen iyagoo caqabad aan la xallin karin ka dhigaya waxyaabo iska fudud oo sicirka kaga baxayaa uu malaayiin jeer ka badan yahay faa’iidada ay heli lahaayeen haddii ay dal iyo dan dhexe yeeshaan.
Iran is NOT Iraq. Or Kuwait or Syria or Somalia. It is a country of proud people with a rich heritage. They will not be easily intimidated by Trump and they will not back down. Unfortunately, the moron in the White House didn’t understand and appreciate that last week.
— Michael Avenatti (@MichaelAvenatti) January 8, 2020
Hadalsame Media