(Hargaysa) 24 Abriil 2019 – Labada haween ah ee reer Canada, ayaa la sii daayey Salaasadii shalay, iyaga oo wejahayey ciqaab sida ay sheegayaan ilo wareedyo aanu helnay .
Maymuuna Cabdi oo 28 jir ah iyo Kariima Watts oo 24 jir, ayaa boolisku ay xidheen 19 bishii Janaayo ka dib markii ay galeen gurigooda oo ku yaalla Hargeysa sida uu sheegay garyaqaanka u doodayey Mubaarak Maxamuud Cabdi.
Labada dumar ah oo ka soo jeeda magaalada Ottawa, ayaa lagu eedeeyay in ay khamri ku cabayeen gurigooda, khamriga ayaa sharci daro ka ah Somaliland.
Jaysoon Jeeramiyaas (Jason Jeremias) oo u dooda xuquuqda aadamaha oo fadhigiisu yahay New York, waxa uu sheegay in Maymuuna Cabdi ay u joogtay Somaliland sidii ay u caawin lahayd haweenka lagula ka tacadiyada jinsiga ku dhisan .
Garyaqaankoodu waxa uu sheegayaa in uu rejo ka qabo in ay ka badbaadaan xabsi, laakiin waxa lagu xukumay 10 bilood.
Dacwada oogayaasha, ayaan maxkamada ka hor cadeyn in ay isticmaaleen maandooriye sida uu garqayaanku sheegay.
Qoraal ay soo saartay Fahiima Xasan oo ah hooyada Maymuuna Cabdi, waxa ay ku sheegtay in Maymuuna iyo Kariima ay yihiin saaxiibo ku soo wada korey Ottawa, Kariimana ay noqotay gabadhooda oo kale kaddib markii ay geeriyootay hooyadeed.
Ayaan Maxamuud oo ku magacaaban wakiilka Somaliland u qaabilsan Ingiriiska iyo barwaaqo sooranka ,ayaa sheegtay in ciqaabta noocani ah ay Somaliland ka tahay naadir.
Canada waxa ay muwaadiniinteeda ugu baaqday in ay ka taxadiraan in ay u socdaalaan Soomaaliya oo khatarta aragagixisada gudahu tahay mid sarraysa.
Xafiiska arrimaha calaamka, ayaa ka war haya in la sii daayay laba qof oo u dhashay Canada.
Hadalsame Media