(Addis Abeba) 05 Maarso 2019 – Waxaa magaalada Addis Abeba ee caasimadda Itoobiya goor dhowayd gaarey Madaxwaynaha Somalia, Md Cabdullaahi Farmaajo oo halkaa ku tegey booqasho rasmi ah oo hal maalin qaadanaysa.
Waxaa garoonka dayuuradaha caalamiga ah ee Bole International Airport ee magaalada Addis uga hor tegey RW Itoobiya Abiy Ahmed oo soo dhoweeyay MW Somalia.
Dr Abiy Ahmed ayay faahfaahiyay waxa ay ka wada hadli doonaan isaga iyo Farmaajo wuxuuna war uu Twitter-ka kusoo qoray ku sheegay inay sii amba qaadi doonaan wada hadallo horay ugu socdey, sida uu yiri.
Wuxuu sheegay inay ka wada arrinsan doonaan arrimo asaasi u ah gobolka Geeska Afrika iyo dano u gaar ah labada dal ee Itoobiya iyo Soomaaliya, kaddib markii uu kulamo noocaas ah horay ula yeeshay madaxda kale ee gobolka Geeska, sida uu sheegay.
Si kastaba, Dr Abiy ayaa udub dhexaad ah u ah isbedellada ka socda Geeska, balse maadaama aanay shacabku tafaasiil badan ka haynin, isla markaana uu xilli kasta Itoobiya ka dhici karo isbedel dhanka taliska ah lama hubo halka ay gaari karto iyo waxa uu dhab ahaan Dr Abiy doonayo lafteeda.
PM Abiy Ahmed received the President of Somalia @M_Farmaajo who is on a one day official visit. The two parties are expected to continue discussions of key regional and bilateral issues of mutual interest, following similar talks with other Horn region countries.#PMOEthiopia pic.twitter.com/Tbb51EXNBC
— Office of the Prime Minister – Ethiopia (@PMEthiopia) March 5, 2019
Hadalsame Media
