ARRIN YAAB LEH: Dowladda Shiinaha oo xitaa salaadii & soonkii ku haysata Muslimiinta ku nool dalkaasi + Sawirro

(Beijing) 25 Nof 2018 – In ka badan 1 milyan oo ah dadka u badan Shiinaha ee loo yaqaanno Han ayaa lasoo werinayaa inay tagaan guryaha qoysaska Muslimka ah ee Uighur-ka si ay dowladda ugu soo sheegaan haddii ay ku dhaqmayaan diintooda oo loo arko dhaqamo aan ”wadani ahayn”.

Dadkan oo ay gobolka Xinjiang u dirtay dowladda Shiinaha, ayaa dowladda u werinaya waxyaabo la xiriira dhaqanka joogtada ah ee dadkan, sida inay dukanayaan, ama ay diidayaan aalkolada iyo sigaarka.

Waxyaabaha buugga la gelinayo waxaa ka mid ah jawaabaha su’aalahan: “Kitaan Qur’aan ihi ma yaallaa guriga? Qof Jimcaha dukanaya ama Ramadaanka soomaya ma jiraa? Dharka gabadha yari ma dheer yahay, ama garka wiilku ma wayn yahay?” Waxyaabahaas waxaa loo arkayaa xag-jirnimo.

Dunida Muslimka ayaa arrintan weli ka aamusan, iyadoo ay muuqato in xukuumadda Beijing ay si aan ixtiraam lahayn ula dagaallamayso diinta iyo dhaqanka umad dhan, taasoo ka hor imanaysa xuquuqda aadanaha.

Hadalsame Media