(Washington, DC) 06 Nof 2018 – Xiisadda ayaa cirka ku tolan maaddaama ay maanta codadkooda dhiibanayaan dadka Maraykanka oo u dareeray doorashooyinka labada aqal ee xilli-dhexaadka.
Waxaa loo tartamayaa dhamaanba 435 kursi oo uu ka kooban yahay Koongarayska Maraykanka iyo 35 ka mid ah 100 kursi oo Aqalka Senet-ka ah, sidoo kale waxaa la dooranayaa 36 barasaab gobol oo ka mid ah 50-ka gobol ee Maraykanka, iyadoo ay Jamhuurigu doonayaan inay aqlabiyaddooda xagsadaan, halka Dimoqraadigu ay ku falax gooddiyeen inay dadka ku hafin doonaan wax ay ugu yeereen ”moowjad buluug ah.”
Just 51% of Americans say they have faith in democracy. https://t.co/tvBmy6jYE3 pic.twitter.com/Sy4HDH9I2f
— Axios (@axios) November 6, 2018
Halkan TOOS uga daawo…
Tiiyoo doorasho dhexaadkani tahay tii ay iskugu soo bexeen dadkii ugu badnaa, misna ilaa 36 milyan oo codeeye ayaa qaab hordhac ah u codeeyay, marka la barbar dhigo 27 milyan codeeyay middii 2014-kii, balse sahan la sameeyay ayaa caddaynaya in 51% oo qur ihi ay iminka kalsooni ku qabaan dimoqraadiyadda Maraykanka.
Meelaha qaar ayaa Jamhuuriga lagu eedaynayaa inay caqabaad u dhigeen dadka laga tirada badan yahay si ay u codeeyaan, gaar ahaan, dadka madowga ah.
Waxaa sidoo kale gobollada qaar laga mamnuucay in ”selfie” la iska qaado xilliga codaynta waxaana ka mid ah: Alabama, Arizona, Florida, Georgia, Illinois, Iowa, Maryland, Michigan, Nevada, New Jersey, New York, North Carolina, Ohio, South Carolina, South Dakota, Tennessee, Texas, West Virginia.
Wixii kasoo kordha kala soco Hadalsame
Hadalsame Media
