(Hadalsame) O9 Nof 2023 – Shirkadda shidaalka ka ganacsata ee HASS Petroleum ayaa dhaliil badan ka wajahaysa baraha bulshada kaddib markii ay soo bandhigtay kharadiidado muujinaya dalalka ay ka howlgasho.
Qoraalka oo muujinaya khariidadda bariga iyo bartamaha Afrika dalal dhaca ayaa waxaa lagu qoray kabshan gaaban oo u dhigan ”Waxaan joognaa Malawi: Soo dhowoow Hass.”
Yeelkeede, dadwaynaha baraha bulshada ayaa markiiba isha la helay khariidadda Somalia oo ay Hass ku muujisay laba dal oo ay u kala sawirtay Somalia iyo Somaliland, waxaana deeto bartii ka qaraxday dood kulul.
Dad badan oo ka fal-celinayey ayaa shirkadda ku dhaliilay inay ciyaartay door aysan iyadu lahayn, maadaama aanay shirkaduhu shaqo ku lahayn go’aammada dalalka lagu aqoonsanayo ama khariidadaha cusub lagu hirgelinayo.
Tusaale, Google, Youtube, Facebook iyo shirkadaha kale ee caalamiga ah ee waawayn Somalila waxay u sawiraan sida ay QM u aqoonsan tahay oo ah hal dal, iyagoo go’aanka u daynaya hay’adaha ku shaqada lihi ay go’aamiyaan.
Ha yeeshee, arrintan ayay sidoo kale ku dhaqmaan shirkado kale oo dalka Somalia ka howlgala sida xawaaladaha iyo shirkadaha duullimaadyada qaarkood, iyadoo DF Somalia aysan wax tillaabo ah ka qaadin.
I have recently came across that your company has not been respecting the sovereignty of our nation. As Somalis, we take immense pride in our country and its boundaries. It is crucial for companies operating within Somalia to understand and adhere to the principles of respecting… https://t.co/6lLwivqzPO pic.twitter.com/EQY3EQASxd
— Sadia Elmi (@Sadia_Elmi1) November 8, 2023
Hadalsame Media