(Barcelona) 03 Maajo 2023 – Barcelona ayaa waxay sahmin doontaa tartamo kale, oo laga yaabo inay ka dhacaan Asia, haddii ay ganaax kala kulmaan UEFA kaasoo ka joojinaya inay u tartamaan Champions League, sida ay wararku sheegayaan.
UEFA ayaa hadda wadda baaris ku saabsan eedaymaha ah in kooxdu ay lacago siisay Madaxwayne Xigeenkii Guddiga Garsoorka Spain intii u dhaxaysey 2001 iyo 2018.
Lacag lagu qiyaasay £6.5milyan (€7.3m) ayay Barcelona siisay DASNIL iyo NILSAT oo ah laba shirkadood oo uu leeyahay Jose Maria Enriquez Negreira.
Maamulka K/C Yurub ayaa bilaabay baaritaan u gaar ah oo ku saabsan faragelintan garsoor kaddib eedaymaha uu kooxda usoo jeediyey Xeer Ilaaliyaha Guud ee Spain.
Waqtigan xaadirka ah, UEFA ayaa u xaqiijisay Blaugrana in loo ogolaan doono inay ka qaybgalaan tartanka xilli ciyaareedka soo socda, kaasoo kooxda qaadi rabta horyaalka La Liga ay durba qarka u saaran tahay inay u soo baxdo.
Hadalsame Media
