Sharraxaad ku saabsan ciidan bedelaya AMISOM (Magaca ay sitaan & sida ay u shaqayn doonaan)

0

(Hadalsame) 23 Jan 2022 – Hay’ad uu hoggaaminayo Midowga Afrika ayaa xilka kala wareegi doonta AMISOM taasoo muddo labo sano ah mas’uuliyadda amniga ku wareejinaysa ciidamada Ammaanka Soomaaliya, Soomaaliya iyo Midowga Afrika ayaa sidaa ku heshiiyey.

Sida uu dhigayo heshiis ay labada dhinac wada galeen kaddib wadahadaladii u dhaxeeyay 7 ilaa 21 Jannaayo, AMISOM waxaa dhaxli doona ciidamo hoostegaya isla Midowga Afrika balse ku meel gaar ah kuwaasoo la yiraahdo ATMIS.

Ciidanka cusub ee amniga, ayay labada dhinac ku heshiiyeen, in ay yeelan doonaan isla qaabka AMISOM balse loo igmaday in ay dejiyaan gogol-xaar ay mas’uuliyadda amniga ku wareejinayaan Somalia marka la gaaro December 2023-ka.

Jadwalku waxa uu ku salaysan yahay qorshaha ku meel gaarka ah ee Soomaaliya oo dib loo eegay kaas oo tilmaamaya in mas’uuliyadda ammaan la wareejin doono dhammaadka sanadka soo socda.

“ATMIS waa in ay lahaataa talis qeexan iyo qaab dhismeed xakameyn leh oo awood leh oo leh Talis Dhexe oo howlgal OPCOM (Taliska Howlgalka) si ay u xaqiijiso is-waafajinta istaraatiijiga ah ee hirgelinta STP,” ayaa lagu yiri heshiiska.

Sidoo kale heshiiska ayaa tilmaamaya in taliyaha ciidamada ATMIS laga soo xuli doono dalka tirada ugu badan ee ciidamada iyo in la soo dhoweeyo ciidamo ka socda dalal kale oo aan ahayn kuwa ka kooban shanta dal ee haatan jira.

Heshiiska cusub ayaa ka dhaqaaqaya soo jeedin hore oo ka timid Midowga Afrika oo ku saabsan ciidamada xasilinta isku dhafka ah oo si isku dhafan taageero kaga helaya Midowga Afrika iyo QM.

Soomaaliya si kastaba ha ahaatee diidday soo jeedinta iyadoo xustay in ciidan kasta oo cusub uu u hoggaansamo hannaanka STP.

Hadalsame Media

Facebook Comments