(Qaahira) 05 Dis 2021 – Macallim Masaari ah oo 53-jir ahaa ayaa wadne xanuun u dhintay xilli uu u dabbaaldegayey gool ay kooxdiisu dhalisay daqiiqadihii dheeriga ahaa ee ciyaarta lagu kordhiyey.
Kooxda uu El Magd oo uu watey Adham El-Selhadar Aayaa goolka dhalisay daqiiqaddii 2-aad ee ciyaarta lagu daray (92-aad) iyagoo 1-0 uga badiyey El Zarqa kulan ka tirsanaa Heerka 2-aad ee dalka Masar Khamiistii.
Goolka ayaa dhaliyey dabbaaldeg culus, balse in yar kaddib qosolkii wuxuu isu rogey qamuunyo kaddib markii uu dhulka ku dhacay El-Selhadar oo uu wadnuhu istaagey iyadoo dhoolli loogula orday isbitaalka.
Waxaase markii isbitaalka la keenayba lagu dhawaaqay inuu geeriyoodey, iyadoo ay naadiyada waawayn ee dalkaasi markiiba bilaabeen inay u diraan dhambaallo tacsi ah.
Waxaana ka mid ah kooxda Ismaily SC – oo uu isla El Selhadar mar macallin u ahaan jirey, iyadoo ay haatan socoto dood ku saabsan la socodka caafimaadka dadka ciyaaraha ku lugta leh ee dalkaasi kaddib shilal noocan ah oo soo noqnoqday.
Adham El-Selhadar (técnico del equipo egipcio El Magd🇪🇬) ha muerto a los 53 años tras sufrir un ataque al corazón mientras celebraba el triunfo de su equipo en el tiempo de descuento.
D.E.P🙏🏻 pic.twitter.com/ToCqYGdA2u
— La cara B del futbol (@lacarabdeporte) December 5, 2021
Hadalsame Media