(Ankara) 21 Maarso 2021 – Soomaalida ku nool Turkiga ayaa meelaha qaar lagu bilaabay weerarro gacan ka hadal ah iyo erayo cunsuriyadeed kaddib markii ay saxaafadda dalkaas ee mucaaradka taageersani ay qoreen sheekooyin ay ku buun buuninayaan inay Soomaalidu qaadatay xaafado ka tirsan Ankara sida Kiziley oo ay ku tilmaameen ”Somalia yar.”
Waxaa lasoo duubay muuqaallo muujinaya meherado ay Soomaalidu leeyihiin ay la jejebinayo kaddib markii ay weerar kusoo qaadeen kooxo cunsuri ah.
Mid ka mid ah Twitter-rada Turkiga ayaa lagu soo qoray sidatan:
Kaddib cinwaankii lagu qoray Sözcü ee ahaa, “Soomaalidu waxay qalbiga Ankara u rogeen sidii dalkoodii”, goobohoodii shaqo ayaa la weeraray. Ciwaankaas qayrul-mas’uulka ah ee wargayska lagu daabacay dhibkan ayuu horseeday. Waxaa Twitter-kan sidoo kale lagu lifaaqay muuqaalka.
Sözcü’nün “Somalililer, Ankara’nın göbeğini kendi ülkelerine çevirdiler” manşetinden sonra işyerlerine saldırı olmuş. Bir gazetede attığınız sorumsuz başlık bunlara yol açıyor işte. pic.twitter.com/69fKEU1jSP
— fırat (@firatfstk) April 20, 2021
Waa kan cinwaanka lagu qoray warqaadka Sözcü:
”Ganacsatada iyo magangelyo-doonka Soomaalidu waxay laba jid oo ku yaalla Kızılay, qalbiga Ankara, u rogeen dalkoodii.”
Somali’den gelen iş insanları ve sığınmacılar, Ankara’nın göbeği olan Kızılay’daki iki sokağı baştan sona kendi ülkelerine çevirdiler. https://t.co/eqF9uCP0do pic.twitter.com/A1ZUPoIEdN
— Sözcü (@gazetesozcu) April 15, 2021
Dadka Turkiga ah ayaa deeto bilaabay inay warkan ka fal-celiyaan iyadoo ay qaarkood bilaabeen inay la tacaadufaan Soomaalida iyadoo ay qaar dood ka keeneen in la isku xiro cinwaanka wargayska iyo weerarkan, halka qaar kale ay ku tilmaameen qayrul-mas’uulnimo iyo cunsuriyad waxa uu wargaysku sameeyey.
“Sorumsuz başlık” değil o. Hedef gösterme. Irkçılık.
— akıldışı (@akildisi) April 20, 2021
Hadalsame Media
