(Muqdisho) 16 Feb 2020 – Qaramada Midoobay ayaa taageertay heshiiska ay gaareen Guddiyada Fulinta Hay’adda Hacagta Adduunka ee IMF iyo Baanka Adduunka, oo isku raacay inay Soomaaliya istaahisho in laga cafiyo qaamaha caalamiga ah ee lagu leeyahay.
QM ayaa qoraal ay soo dhigtay boggeeda rasmiga ah ee Twitter ee xafiiska UNSOM ee Muqdisho ku sheegtay inay Soomaaliya qaadday tillaabo wax ku ool ah oo khuseeynaysa sidii dalka lagaga cafin lahaa lacag dhan $ 5.3 bilyan oo uu caalamku ku leeyahay.
IMF iyo Baanka Adduunka ayaa todobaadkii tegey waxay DF Soomaaliya ku amaaneen isbedellada muuqda ee lagu sameeyay hannaanka maaliyadeed ee dalka, iyagoo sheegay inay Soomaaliya sidaa darteed istaahisho in laga daayo qaamaha lagu leeyahay.
Soomaaliya ayaa haddii qaamahan laga daayo xaq u yeelanaysa inay hesho qaamo kale oo ay ku maalgelin karto maashaariic waawayn oo dib u dhis kaabe iyo horumarin iskugu jira.
The @UN welcomes the decision of the IMF and @WorldBank to, based on a preliminary assessment, consider #Somalia eligible for #debt relief – a key milestone towards writing-off most of its $5.3 billion debt and an important step on its path to long-term #peace and #prosperity. pic.twitter.com/b1isqW1jnC
— UNSOM (@UNSomalia) February 16, 2020
Hadalsame Media
