(Christchurch) 18 Maarso 2019 – Xiriirka Kubadda Cagta New Zealand Football (NZF) ayaa xaqiijiyay in laacib ka tirsan xulka Futsal-ka dalkaasi, Atta Elayyan uu ka mid ahaa dadkii ku dhintay weerarkii argagixisada ahaa ee lagu qaaday Christchurch Jimcihii.
Allaha u naxariistee, Elayyan, 33 jir, ayaa 19 kulan oo caalami ah u saftay xulka Futsal Whites oo uu goolwale u ahaa.
Goolwalahan oo asal ahaan u dhashay dalka Kuwayt ayaa ku dukanayay masjidka Masjid Al Noor Mosque, oo u dhow Hagley Park, halkaasoo uu kaga mid noqday 50 qofood oo halkaa uu ku khaarajiyay argagixiye lagu magacaabo Tarrant.
Hadalsame Media