(Washington, DC) 04 Maarso 2019 – Wakiilka Minnesota ee Koongarayska Ilhaan Cumar oo weerarro siyaasadeed iyo kuwo heer bulsho ah la kulmaysa kaddib markii ay dhaliishay habdhaqanka Israel iyo ururka qalqaalada ka shaqeeya ee AIPAC ayaa arrimahaasi markale ka jawaabtey.
”In laga soo horjeesto Netanyahu iyo haysiga (Falastiin) kama dhigna Yuhuud Nacayb. Waxaan abaal u hayaa Yuhuud badan oo olog ah oo u hadlay sida aan qabo.” ayay kusoo qortay barteeda Facebook.
”Waa in aanu doonnaa la dagaallanka nacaybka iyo dulmiga nooc kasta oo ay yihiin. Waxaan ku dadaali doonaa inaan taa kasoo dhalaalo, waxaana rajaynayaa inay saaxiibadeey igu dayan doonaan.” ayay raacisay.
Our democracy is built on debate, Congresswoman! I should not be expected to have allegiance/pledge support to a foreign country in order to serve my country in Congress or serve on committee. The people of the 5th elected me to serve their interest. I am sure we agree on that! https://t.co/gglAS4FVJW
— Ilhan Omar (@IlhanMN) March 3, 2019
Ilhaan iyo Nita Lowey oo laga soo doorto New York kana tirsan isla Xisbiga Dimoqraadiga ayaa la arkayay iyagoo todobaad dhamaadkii isku tuur tuuraya hadallo arrintan ku saabsan, iyadoo ay Ms Lowey arrinta gaarsiiyey heer ay Ilhaan ku eedeeyso inay ”muuqaal xumeeynayso” xiriirka Israel iyo Maraykanka, balse Ilhaan ayaa sheegtay inaysan muuqaal xumaynayn balse ay dood ka qabto hab-dhaqankeeda.
Yeelkeede, Nita Lowey ayaa markale la arkayay iyadoo difaacaysa isla Ilhaan Cumar oo ay koox xag-jir ah oo la yiraahdo Act For America ay sawirkeeda la xiriiriyeen weerarradii 11-kii Sebtembar ka dhacay Maraykanka oo lagu eedeeyay Alqaacidda.
Gross islamophobic stereotypes – like those about @IlhanMN recently featured on posters in WVA – are offensive and have no place in political discourse. Anti-Semitic tropes that accuse Jews of dual loyalty are equally painful and must also be roundly condemned.
— Nita Lowey (@NitaLowey) March 2, 2019
Hadalsame Media
