(Mogadishu) 19 Agoosto 2018 – Dowladda Soomaaliya ayaa soo bandhigtay Nidaamka Waxbarashada dalka muddo kaddib iyadoo la dajiyey Manhaj dhamaan loo diray hay’addaha waxbarashada dalka.
Warbixinta dowladda gaar ahaan Wasaaradda Waxbarashada. Warbixintaan waxaa Warbaahinta u soo gudbiyey Agaasimaha Wasaaradda Waxbarashada Xasan Maxamed Cali.
1-Manhajka, dhamaan dugsiyadda waxaa lagu dhigayaa buugaagta cusub ee ku saleysan manhajkan qaran kuwaasoo dhawaan idin soo gaari doona gaar ahaan fasallada hoose, koowaad iyo afraad oo ay diyaarisay wasaaradda waxbarashada dalka.
2 – Wasaaradaha waxbarashada dowlad-goboleedyada dalka ayaa qaadi doona imtixaanka shahaadiga ee fasalka sideedaad ee loogu gudbayo dugsiga dhexe, iyaga ayaana bixin doona shahaadada loogu gudbayo.
Imtixaanka fasaladka afraad waxaa qaadaya wasaaradda waxbarashada hidaha iyo tacliinta sare ee dowladda federaalka.
Shahaadada dugsiyada sare waxaa laga qaadan doonaan xafiisyada wasaaradda ee dowlad goboleedyada iyo xafiiska imtixaanaadka iyo shahaadooyinka oo ay ka heli doonaan ardayda gobolka Banaadir.
3- Sannad dugsiyeedka xiligiisa
Dhamaan dugsiyada waxay gelayaan labo xili oo kala ah xiliga koowaad wuxuu bilaaban doonaa bisha Agoosto Sabtiga ugu horreeya, wuxuuna dhamaan doonaa todobaadka saddexaad ee bisha Diseembar ee sannad walba, sannad dugsiyeedka labaad, wuxuu bilaaban doonaan Sabtiga ugu horreeya ee bisha Jannaayo, wuxuuna dhamaan doona todobaadka ugu dambeeya ee bisha Maajo.
4 – Afafka lagu baranayo manhajka
- Dugsiyada hoose dhexe waxay wax ku baran doonaan afka Soomaaliga.
- Afka Carabiga waxaa maaddo ahaan laga bilaabayaa fasalka koowaad dugsiga hoose.
- Afka Ingiriiska maado ahaan waxaa lagu bilaabaya fasaladka sadddexaad dugsiyada hoose.
- Dugsiga sare waxaa wax lagu baranayaan afafka Soomaaliga, Carabiga iyo ingiriiska iyadoo la raacayo manhajka qaranka.
5 – Fasaxyada sannad-dugsiyeedka waxaa la raacayaa shin-titiska ama kalandarka wasaaraddu ay soo saartay ee sannad dugsiyeedka.
- Dugsiyada sare wuxuu qaadan doonaa 10 maaddo.
- Dugsiga dhexe wuxuu qaadan 8 maaddo.
- Dugsiga hoose wuxuu qaadan 8 maaddo.
- Dugsiga sare wuxuu qaadan doonaa 10 bilood
- Dugsiga dhexe wuxuu qaadan doonaa 10 bilood.
- Dugsiga hoose wuxuu qaadan doonaa 10 bilood.
Hadalsame Media
