(Hadalsame) 29 Luulyo 2022 – In kasta oo rajo wayn laga qabo, in saalada & digada laga soo saaro tamar looga maarmo gaaska misna keligeed kama saari karto Jarmanka ku tiirsanaanta shidaalka Ruushka, sida uu sheegay khabiirka ugu horreeya biogas-ka dalkaasi.
Berlin ayaa u deg degaysa sidii ay u heli lahayd habab ay ku beddesho gaaska dabiiciga ah ee Ruushka kaddib markii Midowga Yurub uu cunaqabatayn ku soo rogey Moscow sababo la xiriira weerarka uu ku qaaday Ukraine.
Berlin wuxuu ku orday si loo helo habab lagu beddelo gaaska dabiiciga ah ee Ruushka ka dib markii EU-da lagu soo rogay ciqaabta ku taal Moscow ee ku saabsan howlgalka millatari ee Ukraine.
Biogas – oo laga soo saaro haraaga dabiiciga ah sida digada iyo saalada, galleeyda ama cawska – ayaa waxaa si wayn loogu qaadaa dhigay warbaahinta Jarmalnka oo ku sheegaysa inuu yahay mid looga maarmi karo gaaska dabiiciga ah ee Ruushka.
Waxaa jira ku dhowaad 9,500 oo wershadaha biogas-ka ah oo ku kala firirsan Germany, sida laga soo xigtey majaladda der Spiegel. Beeraleyda ayaa haraagan u beddelaya koranto iyo wax ay ku kululeeyaan guryahooda.
Waxaa se la weydiiyey Dr. Guido Ehrhardt oo arrintan uga warramay maalinlaha Jarmanka kasoo baxa ee Daily Well Diel ”haddii biogas uu bedeli karo tamarta Ruushka, balse Dr. Guido Ehrhardt, oo ah khabiir ka tirsan Ururka Biogas-ka Jarmanka, ayaa yiri: “Nasiib darro maya.”
“Biogas-ku Jarmanka wax badan ayuu u bedeli karaa, laakiin in ku filan ma ahan,” ayuu EHRHARDT ku daray. “Marka heerka farsamada laga eego, waxaa suurogal ah in looga maarmo 40% gaaska lasoo dejiyo muddo 2 sano ah kaddib”, balse taa lafteedu waxay u baahan tahay rabitaan siyaasadeed, sida uu sheegay.
Jarmanka ayaa 55% gaaskiisa ka keensada dalka Ruushka, sida ay qortay AFP, balse Moscow ayaa hadda aad u dhintay gaaska ay u bambeeyaan dhanka Berlin.
Hadalsame Media
