(Palu) 29 Sebt 2018 – Wiil dhallinyaro ah oo Indonesian ah oo ahaa seenyaale dayuuradeed ayaa shaqadiisa sii watay jeer uu ruxmayay tiirkii uu saarnaa, si uu hubaal uga dhigo in dayuuraddii ugu dambaysay ay ka baxsato dhul-gariirkii Jimcihii ruxay dalkaasi.
Anthonius Gunawan Agung ayaa ahaa qofkii ugu dambaysay ee ka shaqaynayay minaaradda laga hago dayuuradaha ee garoonka Mutiara Sis Al Jufri Airport ee magaalada Palu jeer uu dhul-gariir culus oo uu cabirkiisu yahay 7.7 uu ku dhuftay jasiiradda Sulawesi.
Jeer ay saaxiibadii naftooda la carareen ayuu Agung, 21 jir, wuxuu ku haray meesha si uu u hago dayuuradda Batik Air duullimaadkeedii lambar 6321, xilli uu jeex jeex ku bilowday jidka ay dayuuraduhu ku ordaan.
Afhayeenka Waaxda Hagitaanka Cirka Indonesia, Yohannes Sirait, ayaa sheegay inuu amaan mudan yahay Agung oo geesinimadiisa naf hurnimada ah ku badbaadiyay boqollaal rakaab ah oo halis ku jirey.
Hadalsame Media
