(Muqdisho) 07 Agoosto 2018 -Tuulada Caliyaale oo u dhaw degmada Xarar-dheere ayaa laga soo xiray afar haween ah oo caruurtooda u diiday in ay ku biiraan Al Shabaab.
Ilo wareedyo lagu kalsoon yahay ayaa sheegaya in afartaan haween ay ilaa wali ku jiraan gacanta Al Shabaab.
Sababta loo xiray haweenkaas ayaa lagu sheegay in caruurtooda ay u direen degmada Cadaado, waliba si dhuumaalaysi ah.
Odayaasha Tuulada Caliyaale ayaa wada dadaalo aan kala joogsi lahayn oo ku aadan in xal laga gaaro Falkaan.
Horay ayee ahayd markii deegaanka Caad ee Mudug dadka ku sugan ay Shabaab ku war galiyeen in caruurtooda ay ku soo wareejiyaan, balse shacabka ay ka biyo diideen.
Hadalsame Media
