(Muqdisho) 23 Luulyo 2018. Rag lagu eedeeyay in ay xadeen xoolo nool ayaa lagu soo bandhigay deegaanka Garasbaalleey Degmada Dayniile ee gobolka Banaadir.
Eedeysanayaasha oo gaaraya illaa iyo saddex rag ayaa lagu soo qabtay laba dameer iyo 19 ari ah, sida ay inoo xaqiijiyeen illo lagu kal soon yahay oo ku sugan xarunta Deegaanka Garasbaaley.
Dadkii lahaa xoolahaan ayaa loo sheegay in ay ka soo doontaan xarunta Garasbaalleey, iyadoo dhanka kale eedeysanayaasha loo gudbiyay xarunta dambi baarista ee CID-da.
Hadalsame Media
