(London) 05 Juun 2018 – Hoggaamiyaha Xisbiga Mucaaradka ah ee Shaqaalaha Md Jeremy Corbyn ayaa isagoo afurka gacmihiisa ugu qaybinaya jameecada Masjirka Al-Manaar Mosque ku baaqay in la baaro Islaam-nacayb uu sheegay inay lafaha iyo calooshaba ka gashay xisbiga Muxaafidka ah ee haya talada UK.
Golaha Muslimiinta Britain (Muslim Council of Britain (MCB) ayaa todobaadkii tegey ku baaqay in baaris lagu sameeyo wax ay ku tilmaameen Islaam-nacayb laga sheegay musharrixiinta iyo wakiillada Xisbiga Torries-ka, isagoo bulshada Muslimka ah ku amaanay sidii ay ugu gurmadeen dabkii Grenfell Tower.
Isagoo ka hadlayay masjidkan oo ku yaalla galbeedka London ayuu hoggaamiyaha xisbiga shaqaaluhu warfidiyeenka ku yiri: “Waxay ila tahay in eedayn lasoo jeediyay, sidaa darteed waa in baaritaan la sameeyaa lana xalliyaa arrintan.”
”Nacayb iyo cunsuriyadi meel kuma laha bulshadeenna iyo siyaasadeenna. Qofna waa inuusan raalli ka noqonin, qofna waa inuusan qarinin, qof kasta waa inuu dibedda soo dhigaa.” ayuu raaciyay Jeremy Corbyn.
Pleasure to help prepare food at Al-Manaar Mosque for this evening’s Iftar.
It’s just a mile from Grenfell Tower and worshippers here were among the first to respond to the tragic fire. They continue to provide for the community and have opened a Grenfell counselling service. pic.twitter.com/aSFZDcyLEH
— Jeremy Corbyn (@jeremycorbyn) 4 juni 2018
