(Brussels) 11 Nof 2023 – Midowga Yurub ma buuxin doono yoolkiisa ahaa inay 1 milyan oo madaafiicda goobta ah siiyaan Ukraine bisha Maarso ee sanadka soo socda, sida ay qortay Bloomberg.
Saraakiishu waxay horay wacad ugu mareen inay sare u qaadi doonaan keenista rasaastan iyagoo si toos ah dalkaa loo siinayo iyo iyadoo loo marayo heshiisyada hay’ado gaar loo leeyahay.
Adeegga Waxqabadka Dibedda ee Yurub, oo ah garabka siyaasadda arrimaha dibedda ee Midowga Yurub, ayaa ku wargeliyey waddamada xubnaha ka ah dib u dhaca ku yimid rasaastan toddobaadkan, sida ilo aan la magacaabin oo doodahan la socdaa ay u sheegeen Bloomberg.
In kasta oo ay EU ballanqaadday inay boqollaal kun oo ah madaafiicda 155-millimitir ah ay siinayso Kiev horraantii sanadkan, iyagoo rajaynaya inay gaaraan 1 milyan marka la gaaro Maarso 2024, illaa hadda waxay bixisay 30% oo mid ah tiradaas, sida laga soo xigtey Bloomberg.
Hindisaha ayaa ku baaqayey in si toos ah shixnadahan bilowgii looga soo qaado kaydka hubka ee dalalka xubnaha ka ah Midowga Yurub, iyo in hadhow qandaraasyo lagusoo iibinayo rasaastan lala galo wershadaha soo saara hubka, iyadoo la filayo inay ku baxdo lacag dhan €2 bilyan oo Yuuro.
Haatan oo bilo yari ay ka harsan yihiin waqtiga kama dambaysta ah, si kastaba ha ahaatee, ma cadda in la gaari karo bartilmaameedkan iyo in kale.
Hadalsame Media
