(Zürich) 13 Okt 2023 – Gaza ayaa wajahaysa masiibo bini’aadminnimo, sida lagu sheegay digniin ay soo saareen Wasiirada Arrimaha Dibedda ee waddamadii hore uga tirsanaan jirey Midowgii Soofiyeeti ee USSR.
”Dhulka Falastiin wuxuu u baahan yahay helitaanka cunto, shidaal, iyo gargaar caafimaad,” ayay ku yiraahdeen bayaan wadajir ah oo la daabacay maanta.
Fariintan ayaa ka timid diblamaasiyiintan sarsare oo metela siddeed ka mid ah sagaalka xubnood ee firfircoon ee dalalka Barwaaqo-sooranka ee madaxbannaanida (CIS), kuwaas oo toddobaadkan shir ku yeeshay magaalada Bishkek ee caasimadda Kyrgyzstan.
Waxay walaac xooggan ka muujiyeen colaadaha ka taagan Bariga Dhexe iyo tirada badan ee waxyeellada rayidka kasoo gaartey dagaalka Israa’iiliyiinta iyo Falastiiniyiinta.
Wasiirradu waxay dhaleeceeyeen “Dhammaan xaaladaha xag-jirnimada, argagixisannimada, afduubka, iyo noocyada kale ee xadgudubyada ka dhanka ah dadka rayidka ah aan dagaalka ku jirin, iyo sidoo kale isticmaalka aan loo meel dayin ee xoogga leh inta lagu jiro hawlgallada millateriga.”
Waxay ugu baaqeen dhinacyada inay dhowraan sharciga caalamiga ah ee bini’aadminnimada ayna xaqiijiyaan in dadka rayidka ah loo furo waddooyin ammaan ah oo ay uga soo bixi karaan aagga colaadda.
Hadalsame Media
