Nin si TOOS ah dadwaynaha ugu baahiyey khaarajinta xaaskiisa & Dad falkaa gurracan ”like” saaray (Imisa qof ayuu diley?)

0

(Sarajevo) 14 Agoosto 2023 – Nin Bosnian ah ayaa si toos ah barta Instagram ugu baahiyey dilka xaaskiisii hore kahor inta uusan billaabin toogasho, sida ay sheegeen booliiska iyo warbaahinta maxalliga ah. Dhacdadan ayaa soo jeedisay dareenka Qaramada Midoobey, oo ku tilmaantay “xadgudub ku salaysan xadgudub dhanka jinsiga ah.”

Muuqaalka naxdinta leh ayaa subaxnimadii Jimcaha lagu wadaagey akoonka uu leeyahay ninkan oo ahaa dadka dhisa jirkooda iyo tababare gaar ah, Nermin Sulejmanovic, oo deggan magaalada Gradacac ee woqooyi bari Bosnia, sida ay wararku sheegayaan.

Muuqaalkan, ninku waxa uu daawadayaasha si cad ugu sheegay inay si toos ah Instagram-ka uga arki doonaan dilka, waxana uu sii waday in uu bastoolad ku fiiqo haweenay si xun loo garaacay oo dhiig ku yaalyaallo oo hortiisa fadhidey, oo sida la sheegay ah Sulejmanovic xaaskiisii hore.

Wax yar kaddib, waxa uu qabtay riishadda, isaga oo madaxa ka toogtay haweeneyda qaab af-saar ah iyadoo ilmo yar oohintiisa laga maqlayo gadaal. Fiidiyowga ayaa laga saaray barta, kaddib markii uu helay in ka badan 12,000 oo daawaday iyo tan ugu yaabka badan 125 qof oo ”like” saaray.

Sida ay sheegeen dacwad oogayaashu, ninkan ayaa markaas kaddib waxa uu tegey dariiqyada Gradacac isaga oo ku hubeysan qori gacmeed waxa uuna toogtay shan qof oo kale, waxa uuna diley nin iyo wiil yar oo uu dhalay halka 3 kale uu dhaawacay kuwaasoo uu ku jiro askari booliis ah.

Markii ay ciidamada booliisku cayrsadeen ninka hubaysan oo dhex ordayey magaalada oo dhan, Sulejmanovic “wuu is diley kaddib markii la helay goobta uu joogo isagoo diiddan inay qabtaan,” booliiska maxalliga ah.

Hadalsame Media

Facebook Comments