(San Francisco, CA) 07 Luulyo 2023 – Maalintii shirkadda Mark Zuckerberg ee Meta ay bilowday Threads, oo ku lamaansan Instagram, shirkad sharci oo Silicon Valley ku matalaysa Elon Musk ayaa waxay u dirtay warqad ay ku dalbanayso in la joojiyo, iyadoo ku eedaysay app-ka “inuu si ula kac ah oo sharci darro ah u xadayo xogta aqooneed ee Twitter-ka.”
Warqadda ka timid qarreenka Quinn Emanuel ee Alex Spiro, oo ku taariikhaysan Luulyo 5 sida Khamiistii ay daabacday Semafor, waxayna ku socotaa Zuckerberg iyo madaxa arrimaha sharciga ugu qaybsan Meta, Jennifer Newstead.
Spiro ayaa sheeganaysa in Meta ay shaqaalaysiisay “daraasiin ka mid ah shaqaalihii hore ee Twitter-ka” sanadkii la soo dhaafay, iyada oo la heli karo sirta ganacsiga ee shirkadda “iyo macluumaad kale oo sir ah”, kuwaas oo ay u adeegsadeen inay ku horumariyaan Threads oo ay ku tilmaameen app “koobi ah”.
“Twitter waxa ay doonaysaa in ay si adag u xoojiso ilaalinta xuquuqdeeda lahaanshaha, waxayna dalbanaysaa in Meta ay qaaddo tillaabooyin deg deg ah si ay u joojiso isticmaalka siraha ganacsiga Twitter-ka ama macluumaadka kale ee sirta ah,” Spiro ayaa qoray.
Musk laftiisa ayaa ka faallooday wararka ee ku saabsan warqaddan isagoo soo tweet gareeyey, “Tartanku waa fiican yahay, khiyaanase maya.”
Afhayeenka Meta Andy Stone ayaa iska fogeeyey eedaymaha Twitter-ka. “Ma jiro qof ka tirsan kooxda injineernimada Threads oo shaqaale hore ka ahaa Twitter – taasi maaha wax jira.” ayuu u sheegay Semafor.
Hadalsame Media
