”Reer Galbeedku waxay moodayaan inay Afrika weli gumaystaan” – Afrika oo keentay hindise nabadeed oo lagu dhameeyo dagaalka Ukraine

0

(Hadalsame) 20 Juun 2023 – Hindisaha nabadda ee Ukraine ee ay soo jeediyeen waddamada Afrika ayaa caddaynaya in qaaraddu ay awood u leedahay in ay saamayn ku yeelato dhacdooyinka caalamiga ah, sida ay qabto Akende M’membe Chundama, Guddoomiyaha Xisbiga Hantiwadaagga Zambia, oo la hadlay RT.

Wefdi Afrikaan ah ayaa Jimcihii wada hadal Kiev kula yeeshay Madaxwaynaha Ukraine ee Vladimir Zelensky kahor inta aysan maalintii xigtey ee Sabtigii aysan St. Petersburg kula kulmin Madaxwaynaha Ruushka ee Vladimir Putin, iyagoo soo bandhigay dhabbe howleed ka kooban toban qodob oo lagu soo afjarayo colaadda labada dal.

Wefdigan ayaa waxaa ka mid ahaa Madaxwaynayaasha dalalka Koonfur Afrika, Senegal, Zambia, Comoros, waxaana sidoo kale goobjoog ka ahaa Ra’iisul Wasaaraha Masar iyo mas’uuliyiin sarsare oo ka tirsan Jamhuuriyadaha Congo iyo Uganda.

“Marka ay timaaddo Galbeedka, Afrika si dhab ah looma tixgeliyo … Weli waxay weli ku nool yihiin xaalad necolonialism ama gumaysi cusub ah. Waxay weli aaminsan yihiin in Afrika ay tahay mid gumaysi ugu jirta. Markaa maaha inaan fadhiisanno miiska, laakiin tani waxay ina tusinaysaa in Afrika ay miiska fadhido, “ayay tiri Chundama.

Hindisaha nabadda ee Ukraine ayaa caddayn u ah in “Afrika ay iman karto miiska oo ay tiraahdo ‘Aan nabad dhalinno. Oo aan ka hadalno nabadda iyo sida loo dejin karo qorshaha nabadda,” ayay tiri.

“Afrika waxay u baahan tahay inay si dhab ah u tixgeliyaan reer Galbeedku, laakiin ma laha ruux noocaas ah oo ka dambeeysa hab-raacyadooda fikradeed,” ayay siyaasiyaddani ku dartay.

Africa won't allow West to exploit it – Zambian politician to RT — RT Africa

 

Hadalsame Media

Facebook Comments