(Riyaad) 24 Maajo 2023 – Cristiano Ronaldo ayaa dhaliyey goolkii guusha ee qaybtii labaad jeer Al Nassr ay 2-0 ku adkaatay si ay usoo nooleeyaan rajadooda hanashada horyaalka Saudi Pro League.
Hadii Al-Nassr oo kaalinta labaad ku jirta laga adkaan lahaa kulanka Riyaad Derby markaas hogaamiyayaasha Al-Itixaad oo 1-0 kaga badiyay Al-Batin mar hore ayaa loo caleemo saari lahaa horyaalka iyadoo ay ka harsan yihiin labo kulan xilli-ciyaareedkan.
Kooxda Al-Itixaad ayaa saddex dhibcood oo qura haatan ku hoggaaminaysa kala horreeynta Horyaalka Boqortooyada Sucuudiga Carbeed.
Dhanka kale, Ronaldo ayaa sheegay in horyaalka Sucuudigu uu si tartiib tartiib ah u soo hagaagayo: “Tallaabo tallaabo ah waxaan filayaa in horyaalkani uu noqon doono mid ka mid ah shanta horyaal ee ugu sareeya aduunka laakiin waxay u baahan yihiin waqti, waxay u baahan yihiin ciyaartoy, waxayna u baahan yihiin kaabayaal dhaqaale”. ayuu yiri.
Hadda waxaa koox walba u harsan labo kulan xilli-ciyaareedka, iyadoo Al-Nassr ay seddex dhibcood ka dambayso kooxda ay xifaaltamaan iyadoo farqiga goolasha barbarro kula ah, balse goolal badan dhaliyey.
SAFAFKII XALAY
Hadalsame Media