(Hadalsame) 16 Feb 2023 – “Nalaga fili maayo wixIi Siyaad Barre u gaystay shacabka Somaliland iyo reer HargAysa in aan cid u gaysanno.” Waxaa hadalkaa ficilkii maalmo dhowayd seeggan goor dhow sheegay MW Somaliland, Muuse Biixi.
Waxaa hadalkaa keenay dagaalka ka soconaya Laascaanood oo haatan 2 todobaad kusii dhowaanaya ee ay Somaliland kula jirto dadka degaanka oo taagan isla halkii ay shacabka Somaliland taagnaayeen 1988-kii, taasoo 32 sano kaddib camal waydiis ku noqotay maamulka laga dhisay Hargaysa iyo doodaha uu ku dhisan yahay.
BAL ISU EEG DOODAHA XUJOOYINKA EE ISLA GUDBOON:
SOMALILAND: Waan go’nay, waayo xaq ayaan u leenahay inaan aayaheenna ka tashanno.”
SOOL: Ma doonayno inaan go’no, waayo waxaan xaq u leenahay inaan aayeheenna ka tashanno.
SOMALILAND: ”Haddii aad diiddaan inaad naga mid ahaataan waan idin burburinaynaa.”
SOOL: ”Oo taasi soow ma ahayn middii aad adinku diiddeen oo aad ilaa maanta ka cabanaysaan in magaalo ay duqeeyaan isla ciidankii dhinac ka joogey?”
SOMALILAND: ”Waxay ciidamadu amar ku qabaan inay la dagaallamaan cid kasta oo diidda midnimada ”qaranka” Somaliland.”
SOOL: ”Oo maxaad isla warkaas uga aqbali waydeen Dowladdii Somalia ee weliba sharciyadda haysatey?”
SOMALILAND: ”Hal inji oo dalka ka tirsan cid goyn kartaa ma jirtee ciddii go’aysaa ha guurto.”
SOOL: ”Hagaage, idinku goorma ayaad Somalia ka guuraysaan?”
SOMALILAND: ”Waxaan Somalia uga go’aynaa cadaalad darro aan la kulannay.”
SOOL: ”Maxay tahay cadaaladda ay Sool ku haysato Somaliland?”
Maxaad ku dari lahayd?
W; Q: Maxamed Xaaji
Hadalsame Media