(Hadalsame) 11 Feb 2023 – Lamaanihii hore iyo jacaylkoodii. Lammaanihii hore waxay lahaayeen hadaf iyo yool ay noloshooda u diyaarshaan, inkastoo aysan kuligood sidaas ahayn, haddan inta badan ubada iyo aayo qurxoon ayay Eebbe ka filan jireen.
Ubad khayr qabiyo nolol aayatiin wacan
Ilaahoow nasii aamin Alahayoow aamiin….
Ladnaan ladnaan ladnaan ku waaro
Labadii isku raagtee liibaantay ahaada….
Tagto hore iyo timaado dambe labadaba si bay u cabiri jireen.
Hadday sad iyo calaf isku yeeshaana, sooyaalkoodii ayay ka sheekeyn jireen.
Gugeenii waa kaa samaadee
Aroos leynoo gangaamay
Gugeenii waakaa samaadee
Gaaxdii nabsi aynu maalnay…
Hadday isa seegaana samo iyo wanaag bey isku rajayn jireen.
Aniguu weli sidii baan soo dhawoow ku leeyahay
Aniguu weli sidii baan ubax kugu salaamaa
Aniguu weli sidii baan samo kuugu taliyaa….
Lammaanaha hadda!
Lammanaha hadda, inta badan xin iyo cadaw ayay ka hadlaan, mana lahan yool iyo aaye nololeed oo u diyaarsan. Heesahoodu waa wada laqwi iyo wax aad u xun.
Heesaha maanta,in badan waa laqwigii iyo cadaawad.
Anoo kaligeey ah
Kacaa kufay jooga
I kiishay nacabkeygu
Korkeyga qaboojaay….
………………………………….
Nacabku waligii ha daalo
Dibinta ha qaniino xaasid
Ha doorsoomo ciil dartii…
…………………………………
La iloodin kari waa
Libin la iga helo waa
Lurkoodii i geli waa
Laabteyda dumin waa
Nacabkeygu ladi waa……
……………………………..
Adduunyada intaan joogo
Si kastoon u jabo maalin
Cadaw jaanis igu haysta
Uma beer jileecaayo……
…………………………….
Ka nax leyma gaaro
Ka nax nabar ima haweysto
Xaasid iyo nabiibkoow
Ka nax nooca lagu jabaan ahee….
Maxaa kuu soo baxay?
Abwaaniintii hore in ay ahaayeen kuwo caafimaadqaba oo nacayb, xaasidnimo iyo cadaawad midna aan bulshada usoo gudbin.
Dhaxalkii dagaalka sokeeyey, dhaawac qalbiyeed.
W; Q: Nimco Nuur
Hadalsame Media
