(Moscow) 21 Jan 2023 – Kremlin-ka ayaa diidey inuu sheego in Ruushka uu isku diyaarinayo in uu iska difaaco weerarro suurtagal ah kaddib markii ay baraha bulshada ku faafeen sawirrada hannaanka difaaca gantaalaha cirka oo la saaray dhowr saqaf magaalada Moscow.
Sawirrada baraha bulshada ayaa muujinaya nidaamka Pantsir-S1 ee guurguura ee lidka diyaaradaha oo saaran saqafka dhisme ku yaal bartamaha Moscow oo qiyaastii 2km (1.2 mayl) bari ka xigta Kremlin-ka iyo Pantsir kale oo saaran saqafka sare ee dhismaha Wasaaradda Gaashaandhigga ee ku ag taalla webiga Moscow River ee kasoo horjeeda Gorky Park.
A sure sign things are going well for #Russia:
A pantsir air defense system has been deployed on the roof of the Russian Ministry of Defense in Moscow
— Michael A. Horowitz (@michaelh992) January 19, 2023
Wax u muuqda hubka lidka diyaaradaha ayaa Jimcihii lagu arkay dusha sare ee dhismaha Wasaaradda ee caasimadda, sida ay sheegtay Wakaaladda Wararka Faransiiska (AFP).
Yeelkeede, mar la waydiiyey in Ruushku ka walaacsan yahay in Moscow ay dareensan tahay inay noqon karto bartilmaameed, afhayeenka Kremlin, Dmitry Peskov, ayaa su’aalahaa iskaga gudbiyey Wasaaradda Gaashaandhigga.
“Iyaga ayaa mas’uul ka ah xaqiijinta ammaanka dalka guud ahaan iyo gaar ahaan caasimadda, sidaas darteed, waxaa wanaagsan in la waydiiyo Wasaaradda Difaaca dhammaan tillaabooyinka la qaaday.” ayuu Peskov ku af-jigey suxufiyiinta.
Wasaaradduna weli kama jawaabin codsi ay faallo uga bixiso waxa socda oo ka yimid Wakaaladda Wararka ee AFP.
Another air defense complex was spotted in Moscow region, 10 km from Putin’s residence.
The video was reportedly taken on 6th January near Zarechye village, Odintsovo district. Supposedly it is Pantsir C1.
What is going on, one wonders? pic.twitter.com/UNeuiJRMZ4
— Anton Gerashchenko (@Gerashchenko_en) January 20, 2023
Hadalsame Media