(Beijing) 26 Dis 2022 – Dalka Shiinaha ayaa hadda ku dhex jira Covid sidii ‘Sunaami u faafaya’, sida ay sheegeen dhakhaatiirta ka shaqeysa dalkaasi.
Shiinaha ayaa waxaa ka socda ‘Covid’ gaari kara adduunka intiisa kale kuna celin kara heerkii 2020-kii, sida ay maanta ka digeeen khubarada caafimaadku.
Isbitaallada waa la buux dhaafiyey oo bukaannada ayaa ka saa’id caleeyey tan iyo markii Beijing hakisay siyaasaddeedii muranka dhalisay ee ku saabsanayd xayiraadda Covid-19 bishii hore.
Ilaa hal milyan oo qof ayaa u dhiman kara fayraska bilaha soo socda, marka loo eego saadaasha cusub ee yaabka leh.
Difaaca hooseeya – ilaa heerka tallaalka oo liita iyo la’aanta infekshannada ama caabuqyo hore oo qofka ku dhacay – ayaa loo malaynayaa inay kicinayso hirarkan cusub.
Hadda, khubaradu waxay ka digayaan faafitaanka cusub, oo aan muujinayn wax kasoo rayn ah, laga yaabo inay yeelan karto saamayn caalami ah – oo gaari kara dalal ay ku jiraan Yurub, Afrika, Aasiya iyo Ameerika.
Professor Martin McKee, oo ah khabiir ku takhasusay caafimaadka bulshada oo ka tirsan Jaamacadda London ee Nadaafadda iyo Daawada Kulaalaha, ayaa sheegay in awoodda faafidda Shiinuhu ay halis u tahay kor u kaca noocyo cusub.
Wuxuu u sheegay MailOnline: ‘Faafida cudurkani aad bay uga fog tahay mid dhammaan rabta. Waxaan weli aragnaa ku dhowaad 1,300 oo qof oo Covid cusbitaalka ugu jira England maalin kasta.” ayuu yiri. Halkan kasii aqri…
Hadalsame Media
