(Hadalsame) 13 Dis 2022 – Waxaa hawada Somalia qaddar yar soo gashay misna ka baxday dayuurad xamuul ah oo ay leeyihiin Ciidamada Cirka dalka Japan ee JASDF.
Dayuuraddan oo ah nooca Japan-sameega ah ee Kawasaki C-2, oo ka duushay saldhig ku yaalla Jabuuti, ayaa sida ka muuqata raadadkeeda waxay marka hore soo gashay hawada gobolka Awdal iyo qayb ka mid ah Woqooyi Galbeed ee hawada Soomaaliya.
Waxay deeto u leexatay dhinaca Badda gaar ahaan Gacanka Berbera iyadoo deeto inta Yaman u gooysey Sucuudiga ka gashay dhinaca hawada dalka Cumaan.
Lama hubo in arrintan ay ka war qabto DF Somalia oo haatan xukunta hawada Somalia iyo in lagu wargeliyey toona.
Hadalsame Media