(Windhoek) 09 Okt 2022 – Wasiirka Macdanta iyo Tamarta Namibia, Tom Alweendo iyo dhiggiisa Zambia Peter Kapala ayaa la filayaa inay kala saxiixdaan heshiis iskaashi oo ku saabsan dhismaha mashruuc dhuumaha qaada gaaska dabiiciga ah ee tegaya Zambia kana imanaya Walvis Bay oo ku taalla Swakopmund, Namibia.
Sida laga soo xigtey Kapala, gaaska ayaa loo isticmaali doonaa koronto, halka dhuumaha saliidda ay dalkaa ka caawin doonaan dhimista qiimaha batroolka ee waddankan dhaca Koonfur Afrika.
Waxa uu sheegay in dhamaystirka mashruucan la filayo in uu qaato muddo saddex ilaa afar sanadood ah.
Marka la dhammeeyo, Namibia waxay Zambia siin doontaa in ka badan 100,000 oo foosto oo saliid ah maalintii iyada oo sii marinaysa dhuumaha saliidda qaadda ee dekedda Walvis Bay ilaa Lusaka, Zambia, kuwaasoo taxan ilaa 2,000km.
Wefdi ka socda Zambia ayaa booqday Walvis Bay Arbacadii iyo Namport, oo saliidda lagu kaydiyo iyo dekedda qallalan ee Zambian Dry Port, oo laga dhisay dhul ay ku deeqday Namibia oo dhowaan shidaal laga helay.
Namibia iyo Zambia ayaa wadaaga xiriir wanaagsan oo ku dhisan isfaham iyo iskaashi iyagoo ka wada tirsan baloog goboleedka dhaqaale ee SADC. Mashaariicda noocan ihi waa kuwa ay ku hormareen dalalka dunida 1-aad.
Hadalsame Media
