(Hadalsame) 05 Okt 2022 – Dab xooggan oo khasaare laxaad leh gaystay, ayaa xalay ka kacay suuq ku yaalla caasimadda KMG ah ee Jubaland isagoo bururiyay qayb kamid ah suuqa wayn ee magaalada.
Dabkan Kismaayo ka kacay oo damintiisu ay saacado qaadatay ayaa la sheegayaa inuu dhulka dhigay ku dhowaad 4 km oo jibbaaran, taasoo ah khasaare wayn marka la eego cufnaanta suuqa.
Hanti badan ayaa halkaasi ku bas beeshay, waxaa dhanka kale arrintan ka hadlay Ra’iisul Wasaaraha Soomaaliya, Xamse Cabdi Barre, ayaa qoraal kooban oo uu soo saaray ku muujiyey dareenkiisa, isagoo u tacsiyeeyey ganacsatada ku hanti beeshay dabkan.
Ha yeeshee, hal arrin oo dareenka bulshada soo jiidatey waa muuqaal muujinaya dadka oo dabkii gacmohooda ku baqtiinaya, taasoo dib ugu noqotay isla Maamulka Jubaland ee halkaa fadhiya muddo 12 sanadood ah.
Qof ayaa soo wadaagey muuqaalka isagoo raaciyey kabshan uu ku sheegayo in Axmed Madoobe uu 12 sanadood fadhiyo Kismaayo, balse uusan xitaa hal dab-damis u diyaarin dadwaynaha.
Kismaayo on fire. After 12 years of @PresidentMadobe reign and no single 🚒 fire engine. People are putting out fire in the petroleum market on their bare hands. Ridiculous pic.twitter.com/lb2BFhvtIl
— Liibaan Islow (@mp_dalmar) October 4, 2022
Hadalsame Media