Dowladda Pakistan oo millaterigii u yeeratey kaddib markii uu Imran Khan ku kiciyey dibadbax aad u ballaaran (Daawo)

0

(Islamabad) 26 Maajo 2022 – Dowladda Pakistan ayaa ogolaatay in lasoo daabulo millateriga si ay u difaacaan xarunteeda Islamabad saacadihii hore ee Khamiistan, iyadoo kumanaan dibedbaxayaal ah oo daacad u ah Ra’iisul Wasaarihii hore ee Imran Khan ay isugu soo baxeen waddooyinka.

Khan ayaa socod ku maray caasimadda Arbacadii si uu uga dalbado “dowladda la soo dirsaday” inay ku baaqdo doorashooyin deg deg ah, isagoo ula jeeda dowlad shisheeye u adeegta.

Yeelkeede, Wasiir Gudeedka Pakistan, Rana Sanaullah, ayaa soo tweet gareeyey in ciidamada la gayn doono jidadka iyo xarumaha dowladda ee “muhimka ah” sida uu qabo Qodobka 245 ee Dastuurka Pakistani, sida uu yiri.

“Dhismayaasha la ilaalin doono waxaa ka mid ah Maxkamadda Sare, Guriga Baarlamaanka, Guriga Ra’iisul Wasaaraha, Madaxtooyada, Xoghaynta Pakistan iyo Xarumaha Diblomaasiyadeed,” ayuu ku yiri ogeysiiskiisa.

Afarta dhisme ee ugu horreeya meelaha la sheegayo waxay ku yaallaan agagaarka fagaaraha magaalada oo loo yaqaan D-Chowk, oo ah bartilmaameedka Khan iyo taageerayaashiisa.

Arbacadii, isagoo weli 50 kiiloomitir usoo jira caasimadda Islamabad kana yimi Punjab, Ra’iisal Wasaaraha la afgembiyey ayaa ugu baaqay taageerayaashiisa inay isugu soo baxaan fagaaraha D-Chowk oo aanay bannayn fagaaraha ilaa wax uu ku sheegay “dowladda dibedda laga keenay” ay ku dhawaaqdo doorasho cusub oo deg deg ah.

Pakistani military personnel ride Al-Khalid tanks during the Pakistan Day military parade in Islamabad on March 23, 2015. Pakistan held its first national day military parade for seven years, a display of pageantry aimed at showing the country has the upper hand in the fight against the Taliban. Mobile phone networks in the capital were disabled to thwart potential bomb attacks, some roads were closed to the public and much of the city was under heavy guard for the event. AFP PHOTO/ Aamir QURESHI

Hadalsame Media

Facebook Comments