(Hadalsame) 10 Maajo 2022 – Bilyaneerka Elon Musk ayaa dood dheer ka abuuray baraha bulshada kaddib markii uu soo qoray farriin uu Twitter-ka dhigay oo uu ku sheegayo ”inuu dhimanayo islamarkaana uu Naarta gelayo.”
You won’t die before your day Elon.
Anyhow, you are/were a unique figure in this world.
I’m only wondering one thing:
As a genius, haven’t you find out that there is a great creator of this world yet?If you did, make sure you confess this before your last heart beat.
Bless u
— محمد المسحل Mohammed (@Almisehal) May 9, 2022
Waxaa markiiba usoo jawaabey nin Sucuudiyaan ah oo lagu magacaabo Maxamed Masxal kaasoo u sheegay in uu maalintiisa dhimanayo islamarkaana waydiiyey su’aashan:
”Waxaan la yaaban ahay hal shay oo kaliya: Cabqari ahaan, miyaadan weli ogaanin inuu jiro abuure wayn oo adduunkan uumay? Haddii aad sidaa samaysay, hubi inaad qirto kahor inta aadan haamaansan ama aysan naftu kaa haadin!”.
Yeelkeede, Elon Musk wacdigaa ma qaadanin wuxuuna kusoo jawaabey: ”Waad ku mahadsan tahay ducada, laakiin waan ku fiican ahay inaan galo Cadaabta, haddii taasi runtii tahay meesha aan u socdo, maadaama inta badan dhammaan bini’aadamku ay halkaa u socdaan.”
Arrintan ayaa deeto dhalisay dood culus oo ka socota Twitter-ka oo ay dadku iskugu jiraan qaar ninkan kibirsan u caqli celinaya iyo kuwo ku raacsan moowqifkiisa qalloocan.
Thank you for the blessing, but I’m ok with going to hell, if that is indeed my destination, since the vast majority of all humans ever born will be there.
— Elon Musk (@elonmusk) May 9, 2022
Dhanka kale, saxaafadda Galbeedka ayaa sidoo kale fasiraad ka bixiyey geerida uu ilaa shalay hadal hayo Elon Musk oo ay ku micneeyeen inay hanjabaado kasoo gaareen Sirdoonka Ruushka oo ay isku qardoofeen dagaalka Ukraine.
Hadalsame Media