(Muqdisho) 28 Abriil 2022 – MUCJISADA DOORSHADII XALAY. Bal xisaabtan si fiican u dhuux.
Wadarta xildhibaannada codeeyey = 252
Codadka wareeggii 1-aad:
1. Xasan Cabdinuur = 98
2. Sh. Aadan Madoobe 74
3. Musharrixiinta kale = 80
Wareegga 2-aad Mucjiso ayaa dhacday.
Codadkii Xasan Cabdinuur waxaa kala wareegay labadii tiro, halkii ay ka ahaayeen 98 waxay noqdeen 89.
Halkaas Xasan wuxuu ku lumiyey 9 cod oo uu wareeggii 1-aad heystay, wuxuuna helay 89 Cod.
Sheekh Aadan oo markii hore helay 74, waxaa tiradii uu heystay wareegii 1-aad ugu biirtay tiro 89 cod ah oo la siman wadarta uu wareegga 2-aad helay Xasan Cabdinuur.
Sheekh Aadan wuxuu helay 74 + 89 = 163.
163+89=252
F.G. tirada 252 ogow waa astaan ka mid ah astaamaha qaranka oo waa furihii dalka ee dhanka telèefoonada.
Mucjisada labaad waxaa ay tahay wareegga 2-aad halka uu Xasan Cabdinuur ka helay 89 cod, Sheekh Aadan waxaa uu helay 89 Cod oo ka dheeri ah 74-tii uu heystay markii hore.
ILAAHEY DALKA TALADIISA HA INOO TOOSIYO!
W; Q: Abuukar Albadri
Hadalsame Media
