”Sigaar uu duuliyuhu daaray ayaa dayuuradda dab ka kiciyey” – Faransiiska & Masar oo iskula dheggan shil dhacay 2016-kii + Sababta

0

(Hadalsame) 28 Abriil 2022 – Warbixin ay soo saareen khubaro dhanka duulista hawada ah oo u dhashay dalka Faransiiska ayaa lagu soo gabagabeeyey in burburkii diyaaradda EgyptAir ee MS804 ee sanadkii 2016-kii, kaasoo ay ku dhinteen dhammaan 66-kii qof ee saarnaa diyaaradda, ay u badan tahay inuu ka dhashay dab ka kacay sigaar uu cabayey duuliye.

Duullimaadka oo uu lambarkiisu ahaa MS804 ayaa ka baxay garoonka Paris ee Charles de Gaulle isagoo ku jihaysnaa Qaahira, balse dayuuraddu badda ayay ku dhacday meel u dhaxaysa Crete iyo xeebaha woqooyi ee Masar iyadoo gebi ahaanba raadaarka ka dhuntay 19-kii Maajo, 2016-kii.

Xafiiska Baarista Faransiiska ee Badbaadada Duulista Rayidka (BEA) ayaa markii hore ka shakiyey in cillad farsamo ama ku fillaan la’aan howleed ay keentay burburka diyaaradda, halka Masar ay diiddey in ay daabacdo warbixinta dhacdadan naxdinta leh, waxayna ku andacootey in diyaaraddu ay la kulantay weerar argagixiso.

Warbixinta ay soo saartay BEA 2018 ayaa lagu soo gabagabeeyey in shilkani uu ka dhashay dab ka kacay diyaaradda markii la baaray xogta sanduuqa madow, laakiin waxaa joogsatey in la ogaado sabab gaar ah oo ku saabsan sababta dabka loo shiday.

Yeelkeede, warbixin cusub, taasoo loo diray Maxkamadda Paris bishii hore – nuqul ka mid ah waxaa helay warqaadka Talyaaniga ah ee Corriere della Sera – ayaa sheegaysa in dabku ka dhashay sigaar lagu dhex shiday shirka dayuuradda, kaasoo raacay mid ka mid ah maasgarayaasha ogsijiinka sida ee mid ka mid ah duuliyeyaasha.

Maxkamadda Racfaanka ee Paris ayaa dhacdadan siinaysa in ay tahay dil bareer ah, maadaama ay 15 qof oo Faransiis ahi ay saarnaayeen diyaaradda markii ay ku dhacday badda, sida ku cad warbixin 134 bog ah oo ay sameeyeen khubaro duullimaad oo 23 jeer fariistay min Agoosto 2021 ilaa Febraayo 2022.

Maasgarada ogsijiinta ee ay dooddu ka joogto ayaa la bedelay saddex maalmood kahor duulimaadkan lagu le’day, waxaana qof ka mid ah shaqaalaha dayactirka ee EgyptAir ah, uu badhanka istaajiyey booska xaaladda deg degga ah (emergency), taasoo keenta inuu kasoo gufaaco ogsijiin kusoo burqanaya cadaadis sare islamarkaana aad u kordhinaysa holaca haddii dab la shido. Aashtiriigyada sigaarka ayaa iyana la bedeley 2 bilood kahor isticmaalkooda xad dhaafka ah dartood.

-gaoo si aan macquul ahayn loo sii daayay waalka ‘xaalad degdeg ah’ – faahfaahin muhiim ah maaddaama goobtani ay ku qasbeyso ogsijiinta in lagu sii daayo cadaadis sare. . Buugga badbaadada ee Airbus waxa uu dhigayaa in ‘ogsayjiin ka daadanayo ay dhici karto’ marka lagu tago booska degdegga ah.

Dhanka kale, haash-sharafkii ku jiray qolka diyaaradda ayaa la bedelay laba bilood ka hor burburka diyaaradda, sababo la xiriira isticmaalkooda xad dhaafka ah, maadaama duuliyeyaasha aan weli xilligaas laga mamnuucin inay sigaar cabbaan.

Dhammaan rakaabkii iyo shaqaalihii diyaaradda oo ay ku jiraan 40 Masaari ah iyo 15 Faransiis ah ayaa naftooda ku waayey shilkan diyaaradeed ee qabsaday dayuuradda oo ahayd A320.

Si kastaba ha ahaatee, Xafiiska Dacwad Oogaha Masar ayaa soo saaray bayaan uu ku sheegayo in natiijada Faransiisku ay tahay mid aan sal lahayn, islamarkaana baaritaan ay iyagu ku sameeynayaan burburka diyaaraddu uu haatan soconayo.

Hadalsame Media

Facebook Comments