HALIS CUSUB: Ukraine oo heshay gantaalaha difaaca cirka ee S-300 & dalka siiyey oo is caddeeyey

0

(Hadalsame) 08 Abriil 2022 – Slovakia ayaa dalka Ukraine ugu deeqday nidaamka difaaca cirka ee S-300 si ay uga caawiso inay iska difaacdo gardarrada Ruushka, ayuu goor dhowayd yiri Ra’iisal Wasaare Eduard Heger.

Ukraine ayaa ka codsatay wadamada reer Galbeedka qalab difaaca hawada si ay uga caawiyaan iska caabinta weerarka millateriga Ruushka oo hadda socda bishii 2-aad.

“Waxaan xaqiijin karaa in Slovakia ay ugu deeqday nidaamka difaaca hawada ee S-300 dalka Ukraine taas oo ku saleysan codsigeeda ah in ay u kaashato is-difaaca gardarrada hubaysan ee ka timid Federaalka Ruushka darteed,” ayuu Heger ku yiri bayaan email ah.

Heger, oo Jimcahan booqanayey Kyiv, ayaa sidoo kale sheegay in difaaca Slovakia la xaqiijiyay.

Slovakia oo xubin ka ah NATO ayaa ku shaqaynaysay hal batari oo ah nidaamka difaaca hawada ee S-300 kaas oo ay dhaxashay kala go’ii Czechoslovakia 1993-kii.

Wasiir Dibadeedka Ruushka ee Sergey Lavrov ayaa horay Ukraine shalay ugu eedeeyey inay dib u wareejinayso badeelka baaskiilka wada hadallada nabadda ee ay kula jiraan dalkaasi, iyadoo arrimahani ay xaaladda sii murjin karaan.

epa07043198 (FILE) – Russian anti-aicraft missile systems S-300 (R) and S-400 (L) on display at military industrial exhibition ‘Technologies in machine building’ during the ‘OboronExpo-2014’, in the city of Zhukovsky, Moscow region, Russia, 14 August 2014 (reissued 24 September 2018). The Russian Defence Ministry on 24 September 2018 said it was sending S-300 air defence system to teh Syrian forces. The move comes one week after a Russian plane was downed near the Syrian border which created some diplomatic tensions between Russia and Israel. EPA-EFE/MAXIM SHIPENKOV

Hadalsame Media

Facebook Comments