Moscow oo mujtamaca caalamka u sharraxday waxa ay Ukraine ka maaggan tahay (Arrin ay ka hortegayaan)

0

(New York) 28 Feb 2022 – Ruushka ayaa sheegay inuu doonayo in uu badbaadiyo nolosha dadka ku dhaqan Donbass oo uu ciqaabo kuwa mas’uulka ka ah siddeed sano oo xasuuq iyo gabood-fallo ah, Ergayga Moscow ee Qaramada Midoobay Vasily Nebenzia ayaa sidaa u sheegay Golaha Guud intii lagu jiray kalfadhi aan caadi ahayn oo lagu baaqay in lagu cambaareeyo duulaanka Ukraine.

”Qabashada Ukraine kama mid aha qorsheheenna. Ujeedada howlgalkan gaarka ihi waa in lagu difaaco dadka ay tacadiyada iyo xasuuqa ay kula kacayeen Maamulka Kiev 8-dii sano ee lasoo dhaafay. Tani waa sababta ay lagama maarmaanka u tahay in hubka laga dhigo naasigana laga saaro Ukraine, “ayuu yiri Nebenzia.

Mid ka mid ah tusaalaha “dembiyada foosha xun” ee ay dawladda Kiev ka gaysatey, ergeyga Ruushku wuxuu soo gocday dilka dad ka soo horjeedey afgambigii Maraykanku taageeray ee Kiev, markii 40 qof lagu gubay nolosha dhismaha Odessa, sida uu yiri.

”Moscow waxay raadinaysaa inay cadaaladda horkeento cid kasta oo gaysata xad-gudubyadan oo kale, “oo ay ku jiraan muwaadiniinta Ruushku,” ayuu yiri Nebenzia.

Ruushku waxa uu iska difaacayaa “talis ku haminaya in uu helo hubka nukliyeerka,” ayuu ku daray ergayga Moscow ee Qaramada Midoobay, isagoo xusay hadalkii madaxweynaha Ukraine ee Volodymyr Zelensky ee saamayntaas ku yeeshay shirkii ammaanka ee Munich 18-kii Febraayo.

Halkii ay ku xad-gudbi lahaayeen mabaadi’da asaasiga ah ee Qaramada Midoobay, sida dhaleeceeyayaashu ay ku eedeeyeen Ruushku inuu sameeynayo, Nebenzia ayaa ku dooday in hawlgalka millateri uu dhab ahaantii hubinayo in mabda’an muhiimka ah la ilaaliyo – si looga hortago dagaal kale oo caalami ah (WW3).

”In NATO ay hub millateri oo istaraatiji ah keeto Ukraine waxa ay ku khasbi lahayd Ruushka inuu qaado tallaabooyin ka dhigi lahaa Moscow iyo isbahaysiga kuwo “qarka u fuula dagaal furan.” ayuu ku dooday Ergaysa oo shirka Golaha Guud khadka uga qaybgalay.

Hadalsame Media

Facebook Comments